ന്യൂഡല്‍ഹി: ആന്ധ്രപ്രദേശിന് പ്രത്യേക പദവി വിഷയത്തില്‍ മുഖ്യമന്ത്രി ചന്ദ്രബാബു നായിഡുവിനും കേന്ദ്രസര്‍ക്കാറിനുമെതിരെ ആഞ്ഞടിച്ച് തെലുങ്കു നടനും ജനസേന നേതാവുമായ പവന്‍ കല്ല്യാണ്‍. സംസ്ഥാനത്തിന് പ്രത്യേക പദവി എന്ന ആവശ്യം നേടുന്നതില്‍ ചന്ദ്രബാബു നായിഡു പരാജയപ്പെട്ടു. നായിഡുവിനെയും ജഗന്‍ മോഹന്‍ റെഡ്ഢിയെയും പോലെ താന്‍ കേന്ദ്രസര്‍ക്കാറിനെ ഭയക്കുന്നില്ലെന്നും പവന്‍ പറഞ്ഞു.

സംസ്ഥാനത്തിന് പ്രത്യേക പദവിക്കുവേണ്ടി അനിശ്ചിതകാല നിരാഹാര സമരത്തിന് തയാറാണെന്നും പവന്‍ കല്ല്യാണ്‍ പറഞ്ഞു.