തിരുവനന്തപുരം: ലഹരി വിമുക്ത കേരളം സൃഷ്ടിക്കാനായി അധികാരത്തില്‍ വന്ന ഇടത് സര്‍ക്കാര്‍ മദ്യം വ്യാപകമാക്കുകയാണെന്ന് പ്രതിപക്ഷ നേതാവ് രമേശ് ചെന്നിത്തല.

എല്‍.ഡി.എഫ് സര്‍ക്കാരിന്റെ മദ്യനയം സംസ്ഥാനത്തെ വലിയ വിപത്തിലേക്കാണ് തള്ളിവിടുന്നത്. പുതിയ തലമുറയോട് ചെയ്യുന്ന ഏറ്റവും വലിയ ദ്രോഹമാണതെന്നും അദ്ദേഹം പറഞ്ഞു. എല്‍.ഡി.എഫ് സര്‍ക്കാരിന്റെ മദ്യനയത്തില്‍ പ്രതിഷേധിച്ച് സഭ ബഹിഷ്‌കരിച്ച ശേഷം നടത്തിയ വാര്‍ത്താസമ്മേളനത്തിലാണ് ചെന്നിത്തല രൂക്ഷ വിമര്‍ശനം ഉന്നയിച്ചത്.

സുപ്രിംകോടതിയുടെ മറവില്‍ സംസ്ഥാനത്ത് മദ്യമൊഴുക്കാനാണ് സര്‍ക്കാര്‍ ശ്രമിക്കുന്നതെന്നും ചെന്നിത്തല പറഞ്ഞു.