മുവാറ്റുപ്പുഴ :  കല്ലൂര്‍ക്കാട് ഉപജില്ലാ പ്രവേശനോത്സവം കദളിക്കാട് സെന്റ് ആന്‍ഡ്രൂസ് എല്‍.പി സ്‌കൂളില്‍ നടന്നു. എല്‍ദോ എബ്രാഹം എം.എല്‍.എ ഉദ്ഘാടനം ചെയ്തു.
ബ്ലോക്ക് പഞ്ചായത്ത് പ്രസിഡന്റ് മേരി ബേബി അധ്യക്ഷയായിരുന്നു. പഞ്ചായത്ത് പ്രസിഡന്റ് ജോസ് പെരുമ്പിള്ളിക്കുന്നേല്‍ പഠനോപകരണ വിതരണം നടത്തി. 30 വിദ്യാലയങ്ങളിലാണ് പ്രവേശനോത്സവം നടന്നത്.
സ്‌കൂള്‍ പ്രധാനാധ്യാപിക സിസ്റ്റര്‍ ആഗ്നസ്, ബി.പി.ഒ ജാക്‌സ ദാസ് തോട്ടുങ്കല്‍, പഞ്ചായത്തംഗം ഇ.കെ സുരേഷ്, പി.ടി.എ പ്രസിഡന്റ് ഷിന്‍സ് , എന്നിവര്‍ നേതൃത്വം നല്‍കി. കദളിക്കാട് കവലയില്‍ നിന്ന് നടത്തിയ റാലി പ്രവേശനോത്സവത്തിനു മാറ്റേകി. കുട്ടികള്‍ക്ക് മധുര പലഹാരവും സമ്മാനങ്ങളും നല്‍കി.