ന്യൂഡല്‍ഹി: ദേശീയ നിരീക്ഷക പദവി ഒഴിയണമെന്നാവശ്യപ്പെട്ട് പി.ടി ഉഷ, അഞ്ജു ബോബി ജോര്‍ജ്ജ് ഉള്‍പ്പെടെ അഞ്ച് സ്‌പോര്‍ട്‌സ് താരങ്ങള്‍ക്ക് കേന്ദ്ര സര്‍ക്കാരിന്റെ നോട്ടീസ്. കഴിഞ്ഞവര്‍ഷമാണ് ഇവര്‍ക്ക് പദവി ലഭിച്ചിരുന്നത്.

താല്‍പര്യ പ്രശ്‌നങ്ങള്‍ പരിഹരിക്കുന്നതിന്റെ ഭാഗമായി പദവി ഒഴിയണമെന്നാണ് കേന്ദ്ര കായിക മന്ത്രാലയം നിര്‍ദേശിക്കുന്നത്. ഇവര്‍ സ്വകാര്യ അക്കാദമികള്‍ നടത്തുന്നതിനാലാണിത്.

ഉഷ, ബോബിക്കു പുറമേ, അഭിനവ് ബിന്ദ്ര, കര്‍ണം മല്ലേശ്വരി, കമലേഷ് മെഹ്ത എന്നിവര്‍ക്കാണ് നോട്ടീസ് ലഭിച്ചിരിക്കുന്നത്.