ചേളാരി: 'നന്‍മ കൊണ്ട് നാടൊരുക്കാം വിദ്യ കൊണ്ട് കൂട് തീര്‍ക്കാം' എന്ന പ്രമേയവുമായി സമസ്ത കേരള സുന്നി ബാലവേദി സംസ്ഥാന കമ്മിറ്റി സംഘടിപ്പിക്കുന്ന ഒരു വര്‍ഷം നീണ്ടു നില്‍ക്കുന്ന സില്‍വര്‍ ജൂബിലി സമാപന സമ്മേളനം ഡിസംബര്‍ 24, 25, 26 തിയതികളില്‍ മലപ്പുറം ബൈത്തുല്‍ഹികമില്‍ വച്ച് നടക്കും.
സമസ്തയുടെ കീഴ്ഘടകങ്ങളില്‍ മദ്‌റസ വിദ്യാര്‍ഥികളുടെ ധാര്‍മിക പ്രവര്‍ത്തനങ്ങള്‍ക്ക് നേതൃത്വം നല്‍കുന്ന സുന്നി ബാലവേദി വിദ്യാര്‍ഥികളെ സ്പര്‍ശിക്കുന്ന വിവിധ കര്‍മപദ്ധതികള്‍ നടപ്പിലാക്കിക്കൊണ്ടാണ് സില്‍വര്‍ ജൂബിലി ആഘോഷിക്കുന്നത്.
ചേളാരിയില്‍ നടന്ന ചടങ്ങില്‍ സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ മാനേജര്‍ എം.എ ചേളാരി പ്രഖ്യാപനം നടത്തി.
സമസ്ത ട്രഷറര്‍ സി.കെ.എം സ്വാദിഖ് മുസ്‌ലിയാര്‍, ഡോ. ബഹാഉദ്ദീന്‍ മുഹമ്മദ് നദ്‌വി, എം.ടി അബ്ദുല്ല മുസ്‌ലിയാര്‍, കെ.കെ.പി അബ്ദുല്ല മുസ്‌ലിയാര്‍, സയ്യിദ് കെ.പി.പി തങ്ങള്‍ അല്‍ ബുഖാരി, കെ.കെ.എസ് തങ്ങള്‍ വെട്ടിച്ചിറ, വില്ല്യാപള്ളി ഇബ്‌റാഹിം മുസ്‌ലിയാര്‍, കൊടക് അബ്ദുറഹ്മാന്‍ മുസ്‌ലിയാര്‍, അബ്ദുല്‍ ഖാദര്‍ അല്‍ ഖാസിമി, ഹുസൈന്‍ കുട്ടി മുസ്‌ലിയാര്‍, ഉമര്‍ ഫൈസി മുക്കം, ഓണംപിള്ളി മുഹമ്മദ് ഫൈസി, സത്താര്‍ പന്തല്ലൂര്‍, നാസര്‍ ഫൈസി കൂടത്തായി, അബ്ദുസമദ് മുട്ടം, പുറങ്ങ് മൊയ്തീന്‍ മുസ്‌ലിയാര്‍, ശഫീഖ് മണ്ണഞ്ചേരി, അഫ്‌സല്‍ രാമന്തളി, അസ്‌ലഹ് മുതുവല്ലൂര്‍ സംബന്ധിച്ചു.