മലപ്പുറം: സി.പി.ഐ സംസ്ഥാന സെക്രട്ടറിയും കിസാന്‍സഭ അഖിലേന്ത്യാ പ്രസിഡന്റുമായിരുന്ന സി.കെ ചന്ദ്രപ്പന്റെ ആറാം ചരമവാര്‍ഷികം വിവിധ പരിപാടികളോടെ ആചരിക്കാന്‍ മലപ്പുറത്ത് ചേര്‍ന്ന കിസാന്‍സഭ ജില്ലാ കമ്മിറ്റിയോഗം തീരുമാനിച്ചു. ഇന്ന് ഉച്ചക്ക് രണ്ടിന് മലപ്പുറത്ത് നടക്കുന്ന അനുസ്മരണ പരിപാടി കിസാസന്‍ സഭ സംസ്ഥാന ജന. സെക്രട്ടറി വി. ചാമുണ്ണി ഉദ്ഘാടനം ചെയ്യും. സി.പി.ഐ ജില്ലാ സെക്രട്ടറി പി.പി സുനീര്‍, മണ്ഡലം സെക്രട്ടറി സി.എച്ച് നൗഷാദ് പങ്കെടുക്കും. യോഗത്തില്‍ ജില്ലാ പ്രസിഡന്റ് എം.എ അജയകുമാര്‍ അധ്യക്ഷനായി. സംസ്ഥാന സെക്രട്ടറി വി. ചാമുണ്ണി ഉദ്ഘാടനം ചെയ്തു.