ന്യൂഡല്‍ഹി: സൂപ്പര്‍ സോണിക് ക്രൂയിസ് മിസൈല്‍ വിജയകരമായി പരീക്ഷിച്ചു. ഇന്നലെ രാവിലെ 8.42ന് രാജസ്ഥാനിലെ പൊഖ്‌റാനില്‍ വച്ചായിരുന്നു പരീക്ഷണം. ശബ്ദാതിവേഗ മിസൈലായ ബ്രഹ്മോസിന്റെ പരീക്ഷണം വിജയകരമായിരുന്നുവെന്ന് പ്രതിരോധ മന്ത്രി നിര്‍മല സീതാരാമന്‍ ട്വീറ്റ് ചെയ്തു.
പരീക്ഷണത്തിന് പ്രതിരോധ ഗവേഷണ സ്ഥാപനമായ ഡി.ആര്‍.ഡി.ഒയിലെ ശാസ്ത്രജ്ഞരേയും ഇന്ത്യന്‍ സേനയേയും പ്രതിരോധ മേഖലയേയും നിര്‍മല സീതാരാമന്‍ അഭിനന്ദിച്ചു. കഴിഞ്ഞ നവംബറില്‍ ബ്രഹ്മോസ്, സുഖോയ്-30 എം.കെ.ഐ യുദ്ധവിമാനത്തില്‍ നിന്ന് വിജയകരമായി പരീക്ഷിച്ചിരുന്നു.