കോഴിക്കോട്: ചരിത്ര പ്രസിദ്ധമായ കോഴിക്കോട് ഇടിയങ്ങര ശൈഖ് പള്ളിയിലെ 459-ാം അപ്പവാണിഭ നേര്‍ച്ചക്ക് ഇന്ന് തുടക്കമാകും. വൈകിട്ട് 5 ന് നടക്കുന്ന അജ്മീര്‍ ഖാജാ അനുസ്മരണം കോഴിക്കോട് വലിയ ഖാസി സയ്യിദ് അബ്ദുല്‍ ഹയ്യ് ശിഹാബ് തങ്ങള്‍ ഉദ്ഘാടനം ചെയ്യും. സയ്യിദ് ഹംസ ബാഫഖി തങ്ങള്‍ അധ്യക്ഷനാകും. ശുഐബ് ഹൈതമി വാരാമ്പറ്റ മുഖ്യപ്രഭാഷണം നടത്തും. അല്‍ഹാഫിള് സയ്യിദ് ഹുസൈന്‍ ബാഫഖി കൊയിലാണ്ടി, കെ.ടി. ഹംസ മുസ്‌ലിയാര്‍ വയനാട്, അബ്ദുല്‍ ബാരി ബാഖവി വാവാട്, അന്‍സാരി റഹ്മാനി ചുള്ളിക്കോട്, അബുഹാജി രാമനാട്ടുകര തുടങ്ങിയവര്‍ സംബന്ധിക്കും. രാത്രി 8 ന് നടക്കുന്ന മൗലിദ് പാരായണത്തിനും ദുആ മജ്‌ലിസിനും പി.എസ്. ഹൈദ്രോസ് മുസ്‌ലിയാര്‍ ചെറുവാളൂര്‍ നേതൃത്വം വഹിക്കും.
നാളെ മുതല്‍ 29 വരെ രാത്രി 8.30 ന് നടക്കുന്ന മതപ്രഭാഷണ പരമ്പരയില്‍ കെ.പി.മുഹമ്മദലി ദാരിമി ശ്രീകണ്ഠപുരം, സിറാജുദ്ദീന്‍ ദാരിമി കക്കാട്, അല്‍ഹാഫിള് അബൂശമ്മാസ് അലി മൗലവി ഈരാറ്റുപേട്ട, ഇബ്രാഹീം ഖലീല്‍ ഹുദവി കാസര്‍കോട്, അബ്ദുറസാഖ് ദാരിമി അറക്കല്‍, മുസ്തഫ ഹുദവി ആക്കോട് എന്നിവര്‍ സംസാരിക്കും.
തുടര്‍ന്നുള്ള ദിവസങ്ങളില്‍ സ്വാലാത്ത് വാര്‍ഷികം, മജ്‌ലിസുന്നൂര്‍, റാത്തീബ്, പണ്ഡിതസംഗമം, സിയാറത്ത് എന്നിവ നടക്കും.