ആനക്കര: ആനക്കര പഞ്ചായത്ത് എസ്.വൈ.എസ് കമ്മറ്റിയുടെ കീഴില്‍ ഒരു മതഭൗതിക സമന്വയ വിദ്യഭ്യാസ സ്ഥാപനം തുടങ്ങാന്‍ തീരുമാനിച്ചു. പ്രവര്‍ത്തനങ്ങള്‍ക്ക് വേണ്ടി അത്തിപ്പറ്റ ഉസ്താദ് മുഖ്യ രക്ഷാധികാരിയായും അലവിക്കുട്ടി മുസ്‌ല്യാര്‍ ചെയര്‍മാനും കെ.എം. ഹസ്സന്‍ മൗലവി കണ്‍വീനറും പി. സലീം വാഫി വര്‍ക്കിംഗ് കണ്‍വീനറും ടി.എം. അബൂബക്കര്‍ ട്രഷററുമായി രൂപീകരിച്ച 61 അംഗ അഡ്‌ഹോക്ക് കമ്മറ്റി ആവശ്യമായ സ്ഥലം കോളജിന് വേണ്ടി വാങ്ങി രജിസ്റ്റര്‍ ചെയ്തു ഒന്നാം ഘട്ടം പൂര്‍ത്തിയാക്കി. അഡ്‌ഹോക്ക് കമ്മറ്റിയുടെ അവലോകന യോഗത്തില്‍ ചെയര്‍മാന്‍ അദ്ധ്യക്ഷനായി. വര്‍ക്കിംഗ് കണ്‍വീനര്‍ സ്വാഗതം പറഞ്ഞു. കണ്‍വീനര്‍ റിപ്പോര്‍ട്ട് അവതരിപ്പിച്ചു. എസ്.വൈ.എസ് പഞ്ചായത്ത് പ്രസിഡന്റ് പി. മുഹമ്മദ് അന്‍വരി ഉദ്ഘാടനം ചെയ്തു. ഇ.പി. മൊയ്തീന്‍കുട്ടി ഫൈസി പ്രാര്‍ത്ഥന നടത്തി. ടി.വി. മജീദ് മാസ്റ്റര്‍ , കെ.എം. ഗഫുര്‍ നൗഫല്‍ മാസ്റ്റര്‍, എസ്.വൈ.എസ് മണ്ഡലം സെക്രട്ടറി പി. മുഹമ്മദ് കുട്ടി മാസ്റ്റര്‍, വി.പി. മുഹമ്മദ് പുല്ലാര, കെ.പി. മുഹമ്മദ്, വി.പി. ഹമദാനി ഫൈസി, ടി. കുഞ്ഞിമുഹമ്മദ് മുസ്‌ലിയാര്‍, പി.എം.എ. കരീം, ടി. ഹൈദര്‍അലി ഫൈസി പ്രസംഗിച്ചു. മെയ് ആദ്യ വാരത്തില്‍ ഷയര്‍ ഉടമകളുടെ യോഗം വിളിച്ചു ഭാവി കാര്യങ്ങള്‍ ചര്‍ച്ച ചെയ്യാനും യോഗം തീരുമാനിച്ചു.