ഉരുവച്ചാല്‍: കരേറ്റയില്‍ കിണറ്റില്‍ വീണ യുവാവിന് തുണയായി ഫയര്‍ഫോഴ്‌സ്. ഇന്നലെ രാത്രി 9.30ഓടെയാണ് കരേറ്റ റേഷന്‍ കടയ്ക്ക് സമീപം താളിക്കാടില്‍ വിപിന്‍(20) കിണറ്റില്‍ വീണത്. വീട്ടിലേക്ക് നടന്നുപോകവെ ആള്‍മറയില്ലാത്ത കിണറ്റില്‍ അബദ്ധത്തില്‍ വീഴുകയായിരുന്നു. സമീപത്തെ വീട്ടുകാര്‍ ശബ്ദം കേട്ട് നോക്കിയപ്പോഴാണ് കിണറ്റില്‍ വീണ വിപിനെ കണ്ടത്. ഉടനെ വിവരമറിയിച്ചതിനെ തുടര്‍ന്ന് മട്ടന്നൂര്‍ ഫയര്‍ഫോഴ്‌സും ഹൈവേ പൊലിസും സ്ഥലത്തെത്തി കിണറ്റില്‍ നിന്ന് വിപിനെ രക്ഷപ്പെടുത്തി. വീഴ്ചയില്‍ പരുക്കേറ്റ വിപിനെ തലശേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു.