വാഷിങ്ടണ്‍: അമേരിക്കന്‍ പ്രസിഡന്റ് ഡൊണാള്‍ഡ് ട്രംപുമായുള്ള ലൈംഗികബന്ധം വെളിപ്പെടുത്തിയ അശ്ലീലചിത്ര നടി സ്റ്റോമി ഡാനിയല്‍സിനു വധഭീഷണി. ട്രംപിനെ വെറുതെ വിടണമെന്ന് ആവശ്യപ്പെട്ട് 2011ല്‍ ഒരാള്‍ തന്നെ ബന്ധപ്പെട്ടിരുന്നതായി നടി അമേരിക്കന്‍ വാര്‍ത്താ ചാനലായ സി.ബി.എസിനോടു പറഞ്ഞു. 2006ല്‍ ട്രംപും താനും തമ്മില്‍ ലൈംഗികബന്ധമുണ്ടായി അടുത്തിടെയാണ് നടി വെളിപ്പെടുത്തിയത്. എന്നാല്‍, ഇക്കാര്യം ട്രംപ് നിഷേധിച്ചിരുന്നു. ട്രംപിന്റെ അഭിഭാഷകന്‍ 20 മില്യന്‍ ഡോളറിന്റെ മാനനഷ്ടക്കേസ് ഫയല്‍ ചെയ്യുകയുമുണ്ടായി.