HOME
DETAILS

ലിബിയയില്‍ ചാവേറാക്രമണത്തില്‍ എട്ടു പേര്‍ കൊല്ലപ്പെട്ടു

  
backup
March 30 2018 | 05:03 AM

suicide-attack-in-eastern-libya-kills-8-world-3003

ബെന്‍ഗാസി: കിഴക്കന്‍ ലിബിയയിലുണ്ടായ ചാവേറാക്രമണത്തില്‍ എട്ടു പേര്‍ കൊല്ലപ്പെട്ടു. സാധാരണക്കാരുള്‍പ്പെടെയുള്ളവരാണ് മരണപ്പെട്ടവരില്‍ ഭൂരിഭാഗവും. സ്‌ഫോടനത്തില്‍ നിരവധി പേര്‍ക്ക് പരുക്കേറ്റു. പരുക്കേറ്റവരെ സമീപത്തുള്ള ആശുപത്രികളില്‍ പ്രവേശിപ്പിച്ചിരിക്കുകയാണ്. കഴിഞ്ഞ ഒരു മാസത്തിനിടെ ഇത് രണ്ടാം തവണയാണ് കിഴക്കന്‍ ലിബിയയില്‍ ആക്രമണമുണ്ടാവുന്നത്.

കിഴക്കന്‍ ലിബിയയിലെ അജ്ധാബിയ നഗരത്തിലാണ് ചാവേറാക്രമണമുണ്ടായത്. സ്‌ഫോടകവസ്തുക്കള്‍ നിറച്ച കാറിലെത്തിയ ചാവേര്‍ സ്വയം പൊട്ടിത്തെറിക്കുകയായിരുന്നു. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. മരണപ്പെട്ടവരില്‍ അഞ്ചു പേര്‍ സ്‌ഫോടന സ്ഥലത്ത് വച്ചും, ബാക്കി മൂന്നു പേര്‍ ആശുപത്രിയില്‍ വച്ചുമാണ് മരണപ്പെട്ടത്.

അജ്ധാബിയയില്‍ മുന്‍പുണ്ടായ ചാവേറാക്രമണത്തില്‍ മൂന്നു പേര്‍ക്ക് പരുക്കേറ്റിരുന്നു. ഈ സ്‌ഫോടനത്തിന്റെ ഉത്തരവാദിത്തം ഐ.എസ് ഏറ്റെടുത്തിരുന്നു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."