ന്യൂഡല്‍ഹി: നീറ്റ് ക്രമക്കേട് ഉള്‍പെടെ വിഷയങ്ങളില്‍ ജന്തര്‍ മന്തറില്‍ നടന്ന കേന്ദ്രത്തെ പിടിച്ചു കുലുക്കിയ വിദ്യാര്‍ഥി പ്രക്ഷോഭത്തിന് പിന്നാലെ വിദ്യാഭ്യാസ മന്ത്രിയായിരുന്ന ധര്‍മേന്ദ്ര പ്രധാന് രാജിവെക്കേണ്ടി വന്നു. എന്നാല്‍ രാജിക്ക് പകരം വകുപ്പ് മാറ്റം എന്ന നിര്‍ദ്ദേശം  സി.ജെ.പിക്ക് മുന്നില്‍ കേന്ദ്രം വെച്ചിരുന്നതെന്ന് റിപ്പോര്‍ട്ട്. രാജി ഒഴിവാക്കിക്കൊണ്ട് വകുപ്പ് മാറ്റാമെന്ന നിര്‍ദേശം കേന്ദ്രം ആദ്യം മുന്നോട്ടുവെച്ചിരുന്നതായി റിപ്പോര്‍ട്ട്. സിജെപി വക്താക്കളുമായി    കേന്ദ്രമന്ത്രിമാരായ ജെ.പി നദ്ദ, ജിതേന്ദ്ര സിങ് എന്നിവരും തമ്മിലുള്ള ആദ്യഘട്ട ചര്‍ച്ചയിലാണ് കേന്ദ്രം ഈ നിര്‍ദേശം മുന്നോട്ടുവെച്ചത്. എന്നാല്‍,  സിജെപി വക്താക്കളായ സൗരവ് ദാസും അശുതോഷ് റങ്കയും നിര്‍ദേശം തള്ളിക്കളയുകയായിരുന്നു.

വിദ്യാര്‍ഥി സമരത്തെ തുടര്‍ന്ന് മന്ത്രിസ്ഥാനം രാജിവെക്കുകയാണെങ്കില്‍ അതൊരു കീഴ്‌വഴക്കം സൃഷ്ടിക്കാന്‍ സാധ്യതയുണ്ടെന്നാണ് രാജിവെക്കാതിരിക്കാന്‍ കാരണമായി കേന്ദ്രം ചൂണ്ടിക്കാട്ടിയത്.  ഒരു കാരണവശാലും രാജിവെക്കില്ലെന്ന നിലപാടിലായിരുന്നു ആദ്യഘട്ടത്തില്‍ ധര്‍മേന്ദ്ര പ്രധാനും കേന്ദ്രവും. എന്നാല്‍, രാജ്യമൊന്നടങ്കമുള്ള വിദ്യാര്‍ഥികള്‍ സമരം ഏറ്റെടുത്ത് മുന്നോട്ട് വന്നതോടെ ഗത്യന്തരമില്ലാതെ രാജിവക്കുകയായിരുന്നു. 

ALSO READ: ഉടൻ ലാത്തി എടുക്കരുത്; പ്രതിഷേധിച്ചതിന്റെ പേരിൽ ലാത്തിച്ചാർജ് നടത്താനാവില്ലെന്ന് സുപ്രിംകോടതി

കേന്ദ്ര മന്ത്രിസഭയില്‍ നിന്ന് ഒരു അംഗത്തെ പുറത്താക്കുന്നതും വകുപ്പ് മാറ്റുന്നതും പ്രധാനമന്ത്രിയുടെ പ്രത്യേക അവകാശത്തില്‍ പെട്ടതാണെന്ന് കേന്ദ്ര പ്രതിനിധികള്‍ സി.ജെ.പി വക്താക്കളെ അറിയിച്ചിരുന്നതായും വിവിധ സ്രോതസ്സുകളില്‍ നിന്നുള്ള റിപ്പോര്‍ട്ടുകള്‍ സൂചിപ്പിക്കുന്നു. എന്നാല്‍, പ്രധാന്റെ രാജിയില്‍ കുറഞ്ഞതൊന്നും തങ്ങളാഗ്രഹിക്കുന്നില്ലെന്നും അനുകൂലമായ നിലപാട് സ്വീകരിക്കാത്ത പക്ഷം സമരം തുടരുമെന്നുമുള്ള കര്‍ശന നിലപാടിലുറച്ച് നില്‍ക്കുകയായിരുന്നു സി.ജെ.പി വക്താക്കള്‍.

the centre reportedly offered to shift dharmendra pradhan to another ministry before his resignation, but cjp leaders rejected the proposal during talks over the nationwide student protest.