എരുമപ്പെട്ടി: വേലൂരില്‍ പെട്ടിഓട്ടോറിക്ഷയില്‍ ടിപ്പറിടിച്ച് ഓട്ടോ ഡ്രൈവര്‍ക്ക് പരുക്കേറ്റു. വേലൂര്‍ ഒലക്കേങ്കില്‍ നിക്കോളാസ് (65) നാണ് പരുക്കേറ്റത്.തണ്ടിലം റോഡ് ജംങ്ങ്ഷനില്‍ വെച്ചാണ് അപകടം നടന്നത്. മീന്‍ കയറ്റി വരികയായിരുന്ന പെട്ടിഓട്ടോറിക്ഷയില്‍ അമിത വേഗത്തില്‍ വന്ന ടിപ്പര്‍ ഇടിക്കുകയായിരുന്നു. ഇടിയുടെ ആഘാതത്തില്‍ പെട്ടിഓട്ടോറിക്ഷയില്‍ നിന്ന് നിക്കോളാസ് പുറത്തേക്ക് തെറിച്ചു വീണു. പരുക്കേറ്റ ഇയാളെ കേച്ചേരി ആക്ട്‌സ് പ്രവര്‍ത്തകര്‍ കുന്നംകുളത്തുള്ള സ്വകാര്യ ആശുപത്രിയില്‍ പ്രവേശിപ്പിച്ചു.