ന്യൂഡല്‍ഹി: സി.ബി.എസ്.ഇ ചോദ്യപേപ്പര്‍ ചോര്‍ന്ന വിഷയത്തില്‍ കേന്ദ്രസര്‍ക്കാരിനെതിരേ കോണ്‍ഗ്രസ് നേതാവ് കബില്‍ സിബല്‍. സര്‍ക്കാരിന്റെ ഭാഗത്തുനിന്നും സംഭവിക്കുന്ന പിഴവുകള്‍ക്ക് ഉത്തരവാദികള്‍ സര്‍ക്കാരാണ്. എന്നാല്‍, ഇപ്പോള്‍ സംഭവിച്ച സി.ബി.എസ്.ഇ പേപ്പര്‍ ചോര്‍ച്ചയുടെയും പി.എസ്.സി കുംഭകോണത്തിന്റെയൊന്നും ഉത്തരവാദിത്തം സര്‍ക്കാര്‍ ഏറ്റെടുക്കുന്നില്ല. സര്‍ക്കാര്‍ ഏറ്റെടുക്കുന്നില്ലെങ്കില്‍ പിന്നെ ആര്‍ക്കാണ് ഉത്തരവാദിത്തമെന്ന് അദ്ദേഹം ചോദിച്ചു.

യു.പി.എ ആണ് അധികാരത്തിലിരിക്കുമ്പോഴാണ് ചോദ്യപേപ്പര്‍ ചോര്‍ച്ച നടന്നതെങ്കില്‍ എന്തായിരിക്കും ബഹളം. ഇപ്പോള്‍ ആരും ഇതിന്റെ ഉത്തരവാദിത്വം ഏറ്റെടുക്കുന്നില്ല എന്നത് എന്നെ അതിശയിപ്പിക്കുന്നു. ഒരു ചോദ്യപേപ്പര്‍ സംരക്ഷിക്കാന്‍ കഴിയാത്തവര്‍ രാജ്യത്തെ സംരക്ഷിക്കുമെന്നു പറയാന്‍ അവകാശമില്ലെന്നും അദ്ദേഹം പറഞ്ഞു.