വടകര: വടകരയില്‍ മുന്‍ കെ.പി.സി.സി അധ്യക്ഷന്‍ മുല്ലപ്പള്ളി രാമചന്ദ്രനെ അനുകൂലിച്ച് പോസ്റ്റര്‍. മുല്ലപ്പള്ളിയെ അപമാനിക്കുന്ന പവര്‍ ഗ്രൂപ്പ് രാഷ്ട്രീയം അവസാനിപ്പിക്കണമെന്നാണ് പോസ്റ്ററിലെ വാചകങ്ങള്‍. മുന്‍ കെ.പി.സി.സി പ്രസിഡന്റിനെ അപമാനിക്കുന്ന പാര്‍ട്ടി നേതാക്കളെ തിരിച്ചറിയണമെന്നും പോസ്റ്ററില്‍ പറയുന്നുണ്ട്. 

വടകര പഴയ സ്റ്റാന്‍ഡ് പരിസരത്താണ് യൂത്ത് കോണ്‍ഗ്രസിന്റെ പേരില്‍ പോസ്റ്ററുകള്‍ പ്രത്യക്ഷപ്പെട്ടത്. 'വടകര പാര്‍ലമെന്റില്‍ കോഴിക്കോട് എം.പിക്ക് എന്തുകാര്യം? ബി.ജെ.പിയുമായുള്ള അഡ്ജസ്റ്റ്മെന്റ് രാഷ്ട്രീയം അവസാനിപ്പിക്കുക. കോണ്‍ഗ്രസ് സി.പി.ഐ.എം ബി.ജെ.പി നേതാക്കള്‍ തമ്മിലുള്ള അവിശുദ്ധ കൂട്ടുകെട്ട് തിരിച്ചറിയുക', എന്നിങ്ങനെയാണ് പോസ്റ്ററിലെ വാചകങ്ങള്‍. 

ALSO READ: കൊല്ലപ്പെട്ട ആ 'അജ്ഞാതന്‍' നേപ്പാളിലെ മുന്‍ പൊലിസുകാരന്‍; ചുരുളഴിച്ച അന്വേഷണ സംഘത്തിന് ഡി.ജി.പിയുടെ ബാഡ്ജ് ഓഫ് ഓണര്‍

സംഭവം വാര്‍ത്തയായതോടെ പോസ്റ്ററുകള്‍ യൂത്ത് കോണ്‍ഗ്രസിന്റെ നേതൃത്വത്തില്‍ മാറ്റി. യൂത്ത് കോണ്‍ഗ്രസിന് പോസ്റ്റര്‍ പതിച്ചതുമായി യാതൊരു ബന്ധവും ഇല്ലെന്നും നേതാക്കള്‍ അറിയിച്ചു. 

നേരത്തെ നിയമസഭയില്‍ മത്സരിക്കാനുള്ള നീക്കം മുല്ലപ്പള്ളി സജീവമാക്കിയതിന് പിന്നാലെ മുല്ലപ്പള്ളിയെ എതിര്‍ത്ത് വടകര ഭാഗത്ത് പോസ്റ്ററുകള്‍ പ്രത്യക്ഷപ്പെട്ടിരുന്നു.

Posters supporting Mullappally Ramachandran have appeared in Vadakara, calling for an end to “power group politics.” The posters urge party leadership to address internal factionalism and back Mullappally’s role in the political arena.