കണ്ണൂര്‍: തലശ്ശേരി കലാപത്തെ സംബന്ധിച്ച് കെ. സുധാകരന്റെ നിലപാടിനെതിരേ പി. ജയരാജന്‍. ഫേസ്ബുക്കിലൂടെയാണ് ജയരാജന്‍ സുധാകരനെ വിമര്‍ശിച്ചത്.
തലശ്ശേരി കലാപത്തെക്കുറിച്ച് പുനരന്വേഷണം വേണമെന്ന ആവശ്യത്തിലൂടെ കെ. സുധാകരന്റെ ഉള്ളിലുള്ള സംഘ്പരിവാര്‍ വിധേയത്വമാണ് പുറത്തുവരുന്നതെന്ന് പി. ജയരാജന്‍ പറയുന്നു. മാസങ്ങള്‍ക്ക് മുന്‍പ് ബി.ജെ.പി അഖിലേന്ത്യാ നേതൃത്വവുമായി കെ. സുധാകരന്‍ ചര്‍ച്ച നടത്തിയിരുന്നെന്ന് വെളിപ്പെടുത്തലുണ്ടായിരുന്നു. ഇതിന്റെ തുടര്‍ച്ചയാണ് പി. ജയരാജന്റെ വിമര്‍ശനം.