ഏതന്‍സ്: അഭയാര്‍ഥികളുമായി മെഡിറ്ററേനിയന്‍ കടലില്‍ ബോട്ട് തകര്‍ന്ന മൂന്നുപേര്‍ മരിച്ചു.  350 പേരെ രക്ഷപ്പെടുത്തി. 700 പേര്‍ ബോട്ടില്‍ ഉണ്ടായിരുന്നു.

അന്താരാഷ്ട്ര സമുദ്രാതിര്‍ത്തിയിലാണ് ബോട്ട് തകര്‍ന്നത്. ഗ്രീക്ക് ദ്വീപില്‍നിന്ന് 75 നോട്ടിക്കല്‍ മൈല്‍ അകലെയാണ് ദുരന്തമുണ്ടായത്.  നാലു കപ്പലുകളും ഹെലികോപ്റ്ററുകളും വിമാനങ്ങളുമാണ് രക്ഷാപ്രവര്‍ത്തനത്തില്‍ ഏര്‍പ്പെട്ടിരിക്കുന്നതെന്ന് കോസ്റ്റ്ഗാര്‍ഡ് വക്താവ് പറഞ്ഞു.


മറ്റൊരു അഭയാര്‍ഥി ബോട്ട് ദുരന്തത്തില്‍ കൊല്ലപ്പെട്ട 100 പേരുടെ മൃതദേഹങ്ങള്‍ കണ്ടെടുത്തതായി അന്താരാഷ്ട്ര വാര്‍ത്താ ഏജന്‍സി അറിയിച്ചു. 25 മീറ്റര്‍ വലിപ്പമുള്ള ബോട്ടാണ് ദുരന്തത്തില്‍പ്പെട്ടത്.ആഫ്രിക്കയില്‍നിന്നാണ് ബോട്ട് പുറപ്പെട്ടതെന്ന് കരുതപ്പെടുന്നു.