കോഴിക്കോട്: വിദ്യാഭ്യാസ സാമൂഹിക ധാര്‍മിക പുരോഗതിയില്‍ അധ്യാപകരുടെ പങ്ക് മഹത്തരമാണെന്നും സര്‍വിസ് രംഗത്തെ കെ.എ.ടി.എഫിന്റെ പ്രവര്‍ത്തനം മാതൃകയാണെന്നും മുസ്‌ലിം ലീഗ് ജില്ലാ പ്രസിഡന്റ് ഉമര്‍ പാണ്ടികശാല.
കേരള അറബിക് ടീച്ചേഴ്‌സ് ഫെഡറേഷന്‍ റവന്യു ജില്ലാ കമ്മിറ്റി സംഘടിപ്പിച്ച യാത്രയയപ്പ് സമ്മേളനവും ഉപഹാര സമര്‍പ്പണവും ഉദ്ഘാടനം ചെയ്യുകയായിരുന്നു അദ്ദേഹം. പ്രതിനിധി സംഗമം കെ.എ.ടി.എഫ് സംസ്ഥാന പ്രസിഡന്റ് ഇബ്രാഹിം മുതൂര്‍ ഉദ്ഘാടനം ചെയ്തു. ജില്ലാ പ്രസിഡന്റ് ഉമ്മര്‍ ചെറൂപ്പ അധ്യക്ഷനായി. സംസ്ഥാന ജനറല്‍ സെക്രട്ടറി കെ. മൂസക്കുട്ടി മുഖ്യപ്രഭാഷണം നടത്തി.
സംസ്ഥാന ഭാരവാഹികളായിരുന്ന എ. മുഹമ്മദ്, സി. അബ്ദുല്‍ അസീസ്, കെ.കെ അബ്ദുല്‍ ജബ്ബാര്‍, എം.എ മുഹമ്മദ്, ഐ.എം.ഇ കീലത്ത് അബ്ദുറഹിമാന്‍ എന്നിവര്‍ക്ക് യാത്രയയപ്പ് നല്‍കി.
ലീഗ് ജില്ലാ സെക്രട്ടറി സി.പി.എ അസീസ്, ഐ.എം.ജി ഇ.കെ സുലൈഖ, കെ.എ.ടി.എഫ് സംസ്ഥാന ട്രഷറര്‍ എം.പി അബ്ദുല്‍ ഖാദര്‍, കെ.കെ അബ്ദുല്ല, ടി.പി അബ്ദുല്‍ ഹഖ്, പി. അബ്ദുല്‍ ഹമീദ്, പി. മുഹമ്മദലി, കെ.വി അബ്ദുല്‍ ജൈസല്‍, പി. അബ്ദുല്‍ ബഷീര്‍, വി. മറിയുമ്മ, കെ.കെ റംല, എന്‍.പി അബ്ദുറഷീദ്, വി.കെ സീനത്ത്, അബ്ദുസ്സലാം കാവുങ്ങല്‍, ഐ. സല്‍മാന്‍, അബ്ദുല്‍ മജീദ്, സി.എ കരീം, എ. അബ്ദുറഹീം, ടി.കെ അബ്ദുല്‍ അസീസ്, എം.ടി മുനീര്‍, ടി.പി സുബൈര്‍ പ്രസംഗിച്ചു. സെക്രട്ടറി കെ. നൗഷാദ് സ്വാഗതവും ട്രഷറര്‍ അബ്ദുറഷീദ് ഖാസിമി നന്ദിയും പറഞ്ഞു.