കാസര്‍കോട്: മാലിന്ന്യത്തിന് തീപിടിച്ചു കാര്‍ കത്തി നശിച്ചു. കാസര്‍കോട് റയില്‍വേ സ്റ്റേഷന്‍ പരിസരത്തു ഇന്നലെ ഉച്ചക്ക് 3.30 ഓടെയാണ് സംഭവം.
റയില്‍വേ സ്റ്റേഷന്‍ പരിസരത്തെ പാതക്കരികില്‍ ഉണ്ടായിരുന്ന മാലിന്ന്യത്തിനും പുല്‍ക്കാടിനും തീ പിടിക്കുകയായിരുന്നു.
സംഭവത്തില്‍ പാതക്കരികില്‍ നിര്‍ത്തിയിട്ടിരുന്ന കാര്‍ കത്തി നശിച്ചു. ബോവിക്കാനം ബാവിക്കര നുസ്രത്ത് നഗറിലെ ബീവിയുടെ ഉടമസ്ഥതയില്‍ ഉള്ളതാണ് കാര്‍.
റയില്‍വേ സ്റ്റേഷന്‍ പരിസരത്ത് കാര്‍ നിര്‍ത്തിയിട്ടു ഇവര്‍ കുടുംബ സമേതം മംഗളൂരുവിലെ ആശുപത്രിയില്‍ ചികിത്സയില്‍ കഴിയുന്ന ബന്ധുവിനെ കാണാന്‍ ട്രെയിന്‍ മാര്‍ഗം പോവുകയായിരുന്നു. സംഭവ സ്ഥലത്ത് മറ്റു ചില കാറുകളും വാഹനങ്ങളും ഉണ്ടായിരുന്നെങ്കിലും പ്രദേശത്ത് തീ പടര്‍ന്നത് ശ്രദ്ധയിപ്പെട്ട ആളുകള്‍ വാഹനങ്ങള്‍ തള്ളി മാറ്റുകയായിരുന്നു.