കോഴിക്കോട്: വിവാഹ വീഡിയോ മോര്‍ഫിങ് കേസിലെ മുഖ്യപ്രതി പിടിയില്‍. വടകരയിലെ സദയം ഷൂട്ട് ആന്‍ഡ് എഡിറ്റിലെ വീഡിയോ എഡിറ്ററായ ബിബീഷ് ആണ് പിടിയിലായത്. ഇന്നലെ രാത്രി ഇടുക്കിയില്‍ വച്ചാണ് ഇയാള്‍ പിടിയിലായത്.

വിവാഹ വീഡിയോകളില്‍ നിന്ന് സ്ത്രീകളുടെ ചിത്രമെടുത്ത് അശ്ലീല വീഡിയോ ഉണ്ടാക്കി പ്രചരിപ്പിച്ചുവെന്നാണ് ബിബീഷിനെതിരേയുള്ള കേസ്. ബിബീഷിനുവേണ്ടി പൊലിസ് ലുക്കൗട്ട് നോട്ടീസ് പുറപ്പെടുവിച്ചിരുന്നു. പ്രതി രാജ്യം വിടാന്‍ സാധ്യതയുണ്ടെന്ന രാജ്യന്തര വിമാനത്താവളങ്ങളിലും റെയില്‍വേ സ്റ്റേഷനുകളിലും ലുക്കൗട്ട് നോട്ടീസ് പതിച്ചിരുന്നു.