കൊടുങ്ങല്ലൂര്‍: മത്സ്യ ബന്ധന നിയമം പരിഷ്‌കരിച്ചതിനെ തുടര്‍ന്നു ഉള്‍നാടന്‍ മത്സ്യ ബന്ധനം അരക്ഷിതാവസ്ഥയില്‍.
ഇരുപതു മില്ലിമീറ്ററില്‍ കുറവു കണ്ണിയകലമുള്ള വല ഉപയോഗിച്ചു മത്സ്യ ബന്ധനം നടത്തുന്നതു നിയമ വിരുധമാണെന്ന ചട്ടം കര്‍ശനമാക്കിയതോടെയാണു ചീനവല തൊഴിലാളികള്‍ തൊഴില്‍ നഷ്ടപ്പെടുമെന്ന ആശങ്കയിലായത്.
ചീനവലയില്‍ ഉപയോഗിക്കുന്ന വലകള്‍ക്കു പരമാവധി 12 മില്ലിമീറ്ററാണു കണ്ണിയകലമുള്ളത്. പുതിയ ചട്ടം പാലിച്ചു മത്സ്യ ബന്ധനം നടത്താമെന്നു വച്ചാല്‍ മീന്‍ ലഭിക്കാത്ത അവസ്ഥയാകും ഉണ്ടാകുക.
പുതിയ ചട്ടത്തെ ചോദ്യം ചെയ്തു ഒരു കൂട്ടം മത്സ്യതൊഴിലാളികള്‍ ഹൈക്കോടതിയെ സമീപിച്ചിട്ടുണ്ട്.
കൊടുങ്ങല്ലൂര്‍ മേഖലയില്‍ മാത്രം നൂറുകണക്കിനു ചീനവലകള്‍ പ്രവര്‍ത്തിക്കുന്നുണ്ട്.
ഒരു ചീനവലയില്‍ നാലും അഞ്ചും തൊഴിലാളികളാണു പണിയെടുക്കുന്നത്.
പുതിയ മത്സ്യ ബന്ധന നയം നൂറു കണക്കിനു കുടുംബങ്ങളെ പട്ടിണിയിലാക്കുമെന്നതുറപ്പാണ്.