തിരുവനന്തപുരം: യാത്രക്കാരുടെ ജീവന്‍ പന്താടിയുള്ള കെ.എസ്.ആര്‍.ടി.സി ബസ് ഡ്രൈവര്‍മാരുടെ ഡ്രൈവിങ്ങിനെ കുറിച്ച് നാളെ ചര്‍ച്ച നടത്തുമെന്ന് ഗതാഗതമന്ത്രി എ.കെ ശശീന്ദ്രന്‍ അറിയിച്ചു. 23 മണിക്കൂറിലധികം ഉറങ്ങാതെ ബസ് ഓടിക്കുന്ന കെ.എസ്.ആര്‍.ടി.സി ഡ്രൈവര്‍മാരെ കുറിച്ച് കഴിഞ്ഞ ദിവസം സ്വകാര്യചാനല്‍ വാര്‍ത്ത നല്‍കിയിരുന്നു. ഇതിനെ തുടര്‍ന്നാണ് മന്ത്രിയുടെ പ്രതികരണം.

കെ.എസ്.ആര്‍.ടി.സി ബസ് ഡ്രൈവര്‍മാരുടെ ഡ്യൂട്ടി പരിഷ്‌കരിക്കുമെന്നും ഇതു സംബന്ധിച്ച് യൂണിയനുകളുമായി നാളെ ചര്‍ച്ച നടത്തുമെന്നും ഗതാഗത മന്ത്രി അറിയിച്ചു.