കൊച്ചി: എറണാകുളം ജില്ലാ നെഹ്‌റു യുവകേന്ദ്രയുടെ ഈ വര്‍ഷത്തെ പ്രവര്‍ത്തനങ്ങളുടെ ഉദ്ഘാടനം കാക്കനാട് സിവില്‍ സ്റ്റേഷന്‍ കോണ്‍ഫറന്‍സ് ഹാളില്‍ ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പ് മേഖല ഡെപ്യൂട്ടി ഡയറക്ടര്‍ പി.ആര്‍ റോയി നിര്‍വഹിച്ചു. ബ്ലോക്ക് യൂത്ത് പാര്‍ലമെന്റും ഇതോടൊപ്പം സംഘടിപ്പിച്ചു.
യുവജനക്ഷേമ ബോര്‍ഡ് ജില്ലാ കോഡിനേറ്റര്‍ പി.ആര്‍ ശ്രീകല അധ്യക്ഷത വഹിച്ചു. നെഹ്‌റു യുവകേന്ദ്ര ജില്ലാ കോഡിനേറ്റര്‍ ടോണി തോമസ് പദ്ധതി വിശദീകരിച്ചു.
 പ്രവര്‍ത്തനോദ്ഘാടനുബന്ധിച്ച് നടന്ന യുത്ത് പാര്‍ലമെന്റില്‍ യുവജന ക്ലബ്ബുകള്‍ക്ക് വികസനപ്രവര്‍ത്തനത്തിനായി ചെയ്യാവുന്ന നൂതന പരിപാടികളെക്കുറിച്ചും സോഷ്യല്‍ മീഡീയ ഉപയോഗിച്ചുള്ള വിപുലമായ ബോധവല്‍ക്കരണ പരിപാടികളെക്കുറിച്ചും ചര്‍ച്ച നടന്നു.