ന്യൂഡല്‍ഹി: ഗുജറാത്ത് അങ്കലേശ്വറില്‍ 5000 കോടി വിലവരുന്ന 518 കിലോ കൊക്കെയ്ന്‍ പിടികൂടി. ഡല്‍ഹി പൊലിസും ഗുജറാത്ത് പൊലിസും സംയുക്തമായി നടത്തിയ ഓപറേഷനിലാണ് ഇവ പിടികൂടിയത്. അവ്കാര്‍ ഡ്രഗ്‌സ് എന്ന കമ്പനിയില്‍ നടത്തിയ റെയ്ഡിലാണ് വന്‍ ലഹരിശേഖരം കണ്ടെത്തിയത്. 

ഈ മാസം ആദ്യത്തില്‍ ഡല്‍ഹിയില്‍നിന്ന് 562 കിലോ കൊക്കെയ്‌നും 40 കിലോഗ്രാം കഞ്ചാവും പിടികൂടിയിരുന്നു. ഇതേതുടര്‍ന്ന് നടത്തിയ അന്വേഷണത്തില്‍, രമേഷ് നഗറില്‍നിന്ന് പിടികൂടിയ കൊക്കെയ്ന്‍ ഫാര്‍മസ്യൂട്ടിക്കല്‍ കമ്പനിയായ അവ്കാര്‍ ഡ്രഗ്‌സ് വഴിയാണ് എത്തിയതെന്ന് കണ്ടെത്തി. തുടര്‍ന്നാണ് അവ്കാര്‍ ഡ്രഗ്‌സില്‍ റെയ്ഡ് നടത്തുന്നത്. ഡല്‍ഹിയിലെ വന്‍ ലഹരിവേട്ടയ്ക്ക് പിന്നാലെ പൊലിസ് മറ്റു സംസ്ഥാനങ്ങളിലേക്കും അന്വേഷണം വ്യാപിപ്പിക്കുകയായിരുന്നു.

 ഈ ലഹരിവേട്ടയില്‍ 1,289 കിലോഗ്രാം കൊക്കൈനും 40 കിലോഗ്രാം തായ്ലന്‍ഡ് കഞ്ചാവുമാണ് ഇത് വരെ പിടിച്ചെടുത്തത്. 13,000 കോടി രൂപ വിലമതിക്കുന്ന ലഹരിവസ്തുക്കളാണ് ഇതെന്നാണ് വിലയിരുത്തല്‍.