തിരുവനന്തപുരം: റേഡിയോ ജോക്കി തിരുവനന്തപുരം സ്വദേശി രാജേഷിന്റെ കൊലപാതകവുമായി ബന്ധപ്പെട്ട് ഒരാളെ അറസ്റ്റ് ചെയ്തു. കൊല്ലം സ്വദേശി സാനുവിനെയാണ് പ്രത്യേക അന്വേഷണസംഘം അറസ്റ്റ് ചെയ്തതത്.

രാജേഷിനെ കൊലപ്പെടുത്തിയവര്‍ക്ക് സനു താമസ സൗകര്യം ഒരുക്കിയെന്ന് അന്വേഷണ സംഘം കണ്ടെത്തി. ഗൂഢാലോചനയിലും ഇയാള്‍ക്ക് പങ്കുണ്ടെന്നാണ് വിലയിരുത്തല്‍. സനുവിന്റെ വീട്ടില്‍നിന്ന് ഉപയോഗിക്കാത്ത ഒരു വാള്‍ കണ്ടെടുത്തിട്ടുണ്ട്.

മാര്‍ച്ച് 27നാണ് ചുവന്നകാറിലെത്തിയ നാലംഗസംഘത്തിലെ മൂന്നുപേര്‍ രാജേഷിനെ വെട്ടിക്കൊലപ്പെടുത്തിയത്. ആ സമയം രാജേഷിനൊപ്പമുണ്ടായിരുന്ന സുഹൃത്തിനും ആക്രമണത്തില്‍ പരിക്കേറ്റിരുന്നു.

രാജേഷിനെ കൊല്ലനായിരുന്നില്ല, മറിച്ച് കയ്യും കാലും വെട്ടാനായിരുന്നു ക്വട്ടേഷന്‍ സംഘത്തിന് നിര്‍ദ്ദേശം ലഭിച്ചതെന്ന് പൊലിസ് വ്യക്തമാക്കി. രാജേഷുമായി അടുപ്പമുണ്ടായിരുന്ന ഖത്തറിലെ മലയാളി യുവതിയുടെ ഭര്‍ത്താവാണ് ക്വാട്ടേഷന്‍ നല്‍കിയത്. നര്‍ത്തകിയായ യുവതിയുടെ ഭര്‍ത്താവിനേയും കേസില്‍ പ്രതി ചേര്‍ത്തിട്ടുണ്ട്.