കണ്ണൂര്‍: ഇന്ത്യന്‍ ജനതയുടെ ദേശീയ കലാപമായ മലബാര്‍ കലാപത്തെ മാപ്പിള ലഹളയായി ചിത്രീകരിക്കുന്നത് ചരിത്ര നിഷേധമാണെന്ന് കെ.കെ.എന്‍ കുറുപ്പ്. ലൈബ്രറി കൗണ്‍സില്‍ പുസ്തകോല്‍സവത്തിന്റെ ഭാഗമായി സംഘടിപ്പിച്ച ചരിത്ര വായന സെമിനാറിലാണ് ദേശീയ സ്വാതന്ത്ര്യ സമരത്തിന്റെ കണ്ണികളായ വിവിധ സമരങ്ങളെ സൂചിപ്പിച്ചത്. പുതിയ പുതിയ ഹൈന്ദവവത്കരണം ചരിത്രത്തിന്റെ ഭാഗമായി മാറ്റാനാണ് ശ്രമം.
ജ്യോതിഷത്തെ സര്‍വകലാശാല പാഠഭാഗമാക്കി മാറ്റാനുള്ള നീക്കവും ഇതിന്റെ ഭാഗമായാണ്. കെട്ടുകഥകളെ ചരിത്രവ്യാഖാനമായി മാറ്റാനുള്ള ഭരണാധികാരികളുടെ ശ്രമവും എതിര്‍ക്കപ്പെടേണ്ടതുണ്ടെന്ന് സെമിനാര്‍ ഉദ്ഘാടനം ചെയ്ത ഡോ. കെ.കെ.എന്‍ കുറുപ്പ് പറഞ്ഞു.