ബെയ്ജിങ്: ചൈനയില്‍ സ്‌റ്റേഡിയത്തില്‍ വ്യായാമം ചെയ്യുന്നവര്‍ക്കിടയിലേക്ക് കാര്‍ ഇടിച്ചുകയറ്റി. സംഭവത്തില്‍ 35 പേര്‍ കൊല്ലപ്പെട്ടു. 43 പേര്‍ക്ക് പരുക്കേറ്റതായി ചൈനീസ് പൊലിസ് പറഞ്ഞു. ദക്ഷിണ ചൈനയിലെ ഷുഹായിലാണ് സംഭവം.വാഹനം ഓടിച്ച 62 വയസുകാരനെ പൊലിസ് പിടികൂടി. 

കാറിനകത്തുണ്ടായിരുന്ന പ്രതിയെ സ്വയം മുറിവേല്‍പ്പിച്ച നിലയിലാണ് കണ്ടെത്തിയതെന്ന് പൊലീസ് പറഞ്ഞു. രക്ഷപ്പെടാന്‍ ശ്രമിക്കുന്നതിനിടെയാണ് പ്രതിയെ പിടികൂടിയതെന്നും പൊലിസ് പറഞ്ഞു. അതേസമയം ഇയാള്‍ കാര്‍ ഇടിച്ചുകയറ്റിയതിന്റെ കാരണം വ്യക്തമല്ല. പൊലിസ് അന്വേഷണം ആരംഭിച്ചു.