കണ്ണൂര്‍: വ്യാജ വാര്‍ത്തകള്‍ക്കെതിരെ നിയമനടപടി സ്വീകരിക്കുമെന്ന് മുന്‍ കണ്ണൂര്‍ ജില്ലാ പഞ്ചായത്ത് പ്രസിഡന്റ് പി.പി ദിവ്യ. തന്നെയും കുടുംബത്തെയും അപമാനിക്കുന്നതിനായി വസ്തുതാവിരുദ്ധമായ വ്യാജവാര്‍ത്തകള്‍ കെട്ടിച്ചമക്കുകയാണെന്നും ദിവ്യ ഫേസ്ബുക്കില്‍ പ്രതികരിച്ചു. കഴിഞ്ഞ കുറച്ചു ദിവസങ്ങളിലായി തന്നെയും കുടുംബത്തെയും മുഖ്യധാര മാധ്യമങ്ങളിലും സമൂഹമാധ്യമങ്ങളിലൂടെയും അപമാനിക്കുന്നതിനായി വസ്തുതാവിരുദ്ധമായ വ്യാജവാര്‍ത്തകള്‍ കെട്ടിച്ചമച്ചവര്‍ക്കും വാട്‌സാപ്, ഫേസ്ബുക്ക്, ഇന്‍സ്റ്റാഗ്രാമിലൂടെ അത് പ്രചരിപ്പിക്കുകയും ചെയ്തവര്‍ക്കെതിരെയും നിയമ നടപടി സ്വീകരിക്കുമെന്നാണ് ദിവ്യയുടെ പോസ്റ്റ്.

അതേസമയം കഴിഞ്ഞ ദിവസം പാര്‍ട്ടി നടപടിക്കെതിരെ വിമര്‍ശനം നടത്തിയെന്ന വാര്‍ത്തകള്‍ നിഷേധിച്ച് ദിവ്യ രംഗത്തെത്തിയിരുന്നു. പറയാനുള്ളത് പാര്‍ട്ടി വേദികളില്‍ പറയുമെന്നാണ് അവര്‍ ഫേസ്ബുക്ക് കുറിപ്പിലൂടെ വ്യക്തമാക്കിയത്.