മലപ്പുറം: ഓള്‍ ഇന്ത്യ കോണ്‍ഫെഡറേഷന്‍ ഓഫ് എസ്.സി എസ്.ടി, ലോര്‍ഡ് ബുദ്ധ യൂനിവേഴ്‌സല്‍ സൊസൈറ്റി, അംബേദ്കര്‍ എഡ്യുക്കേഷനല്‍ ഫൗണ്ടേഷന്‍ എന്നിവ സംയുക്തമായി നല്‍കുന്ന ജീവകാരുണ്യ പ്രവര്‍ത്തനത്തിനുള്ള പ്രഥമ മഹാത്മാ ഫൂലെ നാഷനല്‍ എക്‌സലന്‍സി അവാര്‍ഡ് പാണക്കാട് സാദിഖലി ശിഹാബ് തങ്ങള്‍ക്ക്. മുസ്‌ലിം ലീഗ് മലപ്പുറം ജില്ലാ കമ്മിറ്റി ആവിഷ്‌കരിച്ച ബൈത്തുറഹ്മ ശിഹാബ്തങ്ങള്‍ ഭവനിര്‍മാണ പദ്ധതിയിലൂടെ മൂവായിരത്തില്‍ പരം കുടുംബങ്ങള്‍ക്ക് വീട് നിര്‍മിച്ച് നല്‍കിയത് മുന്‍നിര്‍ത്തിയാണ് പുരസ്‌കാരം. 14ന് തിരവനന്തപുരം കനകക്കുന്ന് കൊട്ടാരത്തില്‍ നടക്കുന്ന ചടങ്ങില്‍ ഗവര്‍ണര്‍ പി.സദാശിവം പുരസ്‌കാരം സമ്മാനിക്കും.