തൃശൂര്‍: തൃശൂര്‍ വലപ്പാട് മുരിയാം തോടില്‍ കെ.എസ്.ആര്‍.ടി.സി ബസിനു നേരെ ഹര്‍ത്താല്‍ അനുകൂലികളുടെ കല്ലേറ്. കല്ലേറില്‍ ബസിന്റെ മുന്‍വസത്തെ ചില്ലുകള്‍ തകര്‍ന്ന് ഡ്രൈവര്‍ക്കു പരുക്കേറ്റു. പറവൂര്‍ സ്വദേശി പുതിയാലത്ത് പുരുഷോത്തമന്റെ മകന്‍ മനോജിനാണ് (49) പരുക്കേറ്റത്. ഇയാളെ വലപ്പാട് സര്‍ക്കാര്‍ ആശുപത്രിയില്‍ പ്രവേശിപ്പിച്ചു. പുലര്‍ച്ചെ ബൈക്കില്‍ എത്തിയവരാണ് ബസിനു കല്ലെറിഞ്ഞത്. കൊല്ലം ശാസ്താംകോട്ടയിലും കല്ലേറുണ്ടായി.