ന്യൂഡല്‍ഹി: മാധ്യമ പ്രവര്‍ത്തകനുനേരെ ആക്രമണം. സഹാറ സമയ് എന്ന ടി.വി ചാനലിലെ ജീവനക്കാരന്‍ അനൂജ് ചൗധരിക്കുനേരെയാണ് ആക്രമണമുണ്ടായത്. ഡല്‍ഹിയിലെ ഇയാളുടെ വസതിയിലെത്തിയ അജ്ഞാതരായ രണ്ടുപേരാണ് വെടിയുതിര്‍ത്തത്. വയറിനും വലതുകൈക്കും വെടിയേറ്റ ഇദ്ദേഹത്തെ ആശുപത്രിയില്‍ പ്രവേശിപ്പിച്ചു. മുന്‍കാല ശത്രുതയാണ് ആക്രമണത്തിന് പിന്നിലെന്നും അക്രമികളെ ഉടന്‍ പിടികൂടുമെന്നും പൊലിസ് അറിയിച്ചു. അതേസമയം ആക്രമണം നടത്തിയവരെക്കുറിച്ച് വ്യക്തമായ വിവരങ്ങള്‍ അറിയാമെന്ന് ചൗധരിയുടെ ബന്ധുക്കള്‍ അറിയിച്ചു.