കണ്ണൂര്‍: വിവാദ കണ്ണൂര്‍ മെഡിക്കല്‍ കോളജിലേക്ക് എ.ഐ.വൈ.എഫ്-എ.ഐ.എസ്.എഫ് പ്രവര്‍ത്തകര്‍ മാര്‍ച്ച് നടത്തി. ഇന്നലെ രാവിലെ അഞ്ചരക്കണ്ടിയിലെ മെഡിക്കല്‍ കോളജ് കാംപസിലേക്ക് നടന്ന മാര്‍ച്ച് എ.ഐ.വൈ.എഫ് സംസ്ഥാന സെക്രട്ടറി മഹേഷ് കക്കത്ത് ഉദ്ഘാടനം ചെയ്തു.
സ്വാശ്രയ വിദ്യാഭ്യാസ കൊള്ള അവസാനിപ്പിക്കുക, തലവരിപ്പണം തിരിച്ചുനല്‍കുക, മെറിറ്റില്‍ പ്രവേശനം നേടിയ വിദ്യാര്‍ഥികളുടെ തുടര്‍പഠനം ഉറപ്പുവരുത്തുക എന്നീ ആവശ്യങ്ങളുന്നയിച്ചാണ് മാര്‍ച്ച് നടത്തിയത്.
എ.ഐ.വൈ.എഫ് സംസ്ഥാന എക്‌സിക്യൂട്ടീവ് അംഗം അഡ്വ. എം.എസ് നിഷാദ്, ജില്ലാ സെക്രട്ടറി കെ.വി രജീഷ്, എ.ഐ.എസ്.എഫ് ദേശീയ കൗണ്‍സില്‍ അംഗം കെ.ആര്‍ ചന്ദ്രകാന്ത്, എ.ഐ.എസ്.എഫ് ജില്ലാ സെക്രട്ടറി എം. അഗേഷ്, എ.ഐ.വൈ.എഫ് ജില്ലാ പ്രസിഡന്റ് എം.സി സജീഷ് സംസാരിച്ചു.