തേഞ്ഞിപ്പലം: സന്തോഷ്‌ട്രോഫി നേടിയ കേരള ടീമിന് കാലിക്കറ്റ് സര്‍വകലാശാല സ്വീകരണം നല്‍കുന്നു. 13ന് നടക്കുന്ന പരിപാടി തൊഴില്‍, എക്‌സൈസ് മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്യും. പി.കെ. കുഞ്ഞാലിക്കുട്ടി എം.പി, എം.എല്‍.എമാരായ പി.അബ്ദുല്‍ ഹമീദ്, എ.പ്രദീപ്കുമാര്‍, പി.കെ അബ്ദുറബ്ബ്, മലപ്പുറം, കോഴിക്കോട് ജില്ലാപഞ്ചായത്ത് പ്രസിഡന്റുമാര്‍, വിവിധ ജില്ലകളില്‍ നിന്നുള്ള ജനപ്രതിനിധികള്‍ തുടങ്ങിയവര്‍ പങ്കെടുക്കും. മുഴുവന്‍ ടീമംഗങ്ങളും കോച്ചും ഒഫിഷ്യലുകളും അണിനിരക്കുന്ന വര്‍ണാഭമായ ഘോഷയാത്ര വൈകിട്ട് നാലിന് കോഹിനൂര്‍ ഗ്രൗണ്ടില്‍ നിന്ന് ആരംഭിക്കും. 5.30ന് സര്‍വകലാശാലാ സ്റ്റേഡിയത്തിലാണ് സ്വീകരണച്ചടങ്ങ്. വാര്‍ത്താസമ്മേളനത്തില്‍ വൈസ് ചാന്‍സലര്‍ ഡോ.കെ മുഹമ്മദ് ബഷീര്‍, ഡോ.പി.മോഹന്‍, രജിസ്ട്രാര്‍ ഡോ.ടി.എ അബ്ദുല്‍ മജീദ്, കെ.കെ ഹനീഫ, ഡോ.സി.എല്‍ ജോഷി, ഡോ.സി.അബ്ദുല്‍ മജീദ്, കായികവിഭാഗം ഡയറക്ടര്‍ ഡോ.വി.പി സക്കീര്‍ ഹുസൈന്‍ പങ്കെടുത്തു.