പൂനെ:മഹാരാഷ്ട്രയില്‍ തൊഴിലാളികളുമായി പോകുകയായിരുന്ന ലോറി അപകടത്തില്‍പ്പെട്ട് സ്ത്രീകളും കുട്ടികളുമടക്കം 18 പേര്‍ മരിച്ചു. 20 പേര്‍ക്ക് പരുക്കേറ്റു. നിയന്ത്രണം വിട്ട ലോറി റോഡിലെ ഡിവൈഡറില്‍ ഇടിച്ച് മറിയുകയായിരുന്നു.
പൂനെ-ബംഗളൂരു ദേശീയ പാതയില്‍ ഇന്നലെ രാവിലെ 5.30ഓടെയായിരുന്നു അപകടം. അപകടത്തില്‍പ്പെട്ടവരെല്ലാം കര്‍ണാടകയിലെ ബീജാപൂര്‍ ജില്ലയിലെ തിക്കോട്ടി സ്വദേശികളാണെന്ന് പൊലിസ് അറിയിച്ചു. പൂനെയിലെ ഒരു നിര്‍മാണ സ്ഥലത്തേക്ക് പോകുകയായിരുന്നു ഇവര്‍. 18 പേരും സംഭവ സ്ഥലത്തുതന്നെ മരിച്ചു. മരിച്ചവരില്‍ എട്ട് സ്ത്രീകളും അഞ്ച് കുട്ടികളും ലോറി ഡ്രൈവറും ഉള്‍പ്പെടുമെന്ന് പൊലിസ് അറിയിച്ചു.