തിരൂര്‍: മൂന്നാം ക്ലാസ് വിദ്യാര്‍ഥിനിയടക്കം മൂന്ന് പേരെ ലൈംഗികമായി പീഡിപ്പിച്ചെന്ന കേസില്‍ ഓട്ടോ ഡ്രൈവര്‍ അറസ്റ്റില്‍. തിരൂര്‍ ബി.പി അങ്ങാടി പാറശ്ശേരി അക്കരത്തോട്ടത്തില്‍ സുനില്‍ (50) നെയാണ് തിരൂര്‍ സി ഐ പി അബ്ദുള്‍ ബഷീര്‍ അറസ്റ്റ് ചെയ്തത്. എല്‍പി സ്‌കൂളിലെ മൂന്ന്, നാല് ക്ലാസുകളില്‍ പഠിക്കുന്ന കുട്ടികളോട് ലൈംഗികാതിക്രമം കാട്ടിയെന്നാണ് കേസ്. ഇയാള്‍ വിദ്യാര്‍ഥികളെ ഓട്ടോയില്‍ സ്‌കൂളില്‍ കൊണ്ടു പോകുന്നതിനിടെയാണ് പീഡിപ്പിച്ചത്. കുട്ടികള്‍ വീട്ടുകാരോട് വിവരം പറഞ്ഞതിനെ തുടര്‍ന്ന് മലപ്പുറം ചൈല്‍ഡ് ലൈനില്‍ വിവരമറിയിക്കുകയായിരുന്നു.
ചൈല്‍ഡ്‌ലൈന്‍ പ്രവര്‍ത്തകന്‍ സ്‌കൂളിലെത്തി കുട്ടികളെ കൗണ്‍സിലിങ് നടത്തി സംഭവം സ്ഥിരീകരിക്കുകയായിരുന്നു. പൊലിസില്‍ നല്‍കിയ പരാതിയെ തുടര്‍ന്ന് തിരൂര്‍ സി.ഐ കേസ് രജിസ്റ്റര്‍ ചെയ്യുകയും പ്രതിയെ അറസ്റ്റു ചെയ്യുകയുമായിരുന്നു. പ്രതിയെ ചൊവ്വാഴ്ച കോടതിയില്‍ ഹാജരാക്കി.