തിരുവനന്തപുരം: തിരുവനന്തപുരം, തൃപ്പൂണിത്തുറ, കണ്ണൂര്‍ സര്‍ക്കാര്‍ ആയൂര്‍വേദ കോളജുകളിലും കോട്ടയ്ക്കല്‍ വൈദ്യരത്‌നം പി.എസ് വാര്യര്‍ ആയുര്‍വേദ കോളജിലും ആയൂര്‍വേദ പോസ്റ്റ് ഗ്രാജ്വേറ്റ് ഡിപ്ലോമ കോഴ്‌സുകള്‍ ആരംഭിക്കാന്‍ മന്ത്രിസഭ അംഗീകാരം നല്‍കി. കേരളത്തില്‍ ആദ്യമായാണ് ആയൂര്‍വേദ പി.ജി ഡിപ്ലോമ കോഴ്‌സ് തുടങ്ങുന്നത്.
തിരുവനന്തപുരത്ത് ശല്യതന്ത്ര, സ്വസ്ഥവൃത്ത, കൗമാരഭൃത്യ, ശലാക്യതന്ത്ര, പ്രസൂതി സ്ത്രീരോഗ, രസശാസ്ത്ര ഭൈഷജ്യകല്‍പന, ദ്രവ്യഗുണ, കായചികിത്സ വിഭാഗങ്ങളിലും തൃപ്പൂണിത്തുറയില്‍ കായ ചികിത്സ, ശാലാക്യതന്ത്ര, സ്വസ്ഥവൃത വിഭാഗങ്ങളിലും കണ്ണൂരില്‍ രോഗനിദാന വിഭാഗത്തിലും കോട്ടയ്ക്കലില്‍ ദ്രവ്യഗുണ, സ്വസ്ഥവൃത്ത, പഞ്ചകര്‍മ്മ, കായചികിത്സ വിഭാഗങ്ങളിലുമാണു കോഴ്‌സുകള്‍.