കൊണ്ടോട്ടി: കരിപ്പൂര്‍ വിമാനത്താവളത്തിന്റെ 30-ാം വാര്‍ഷികാഘോഷം ഇന്നും നാളെയുമായി നടക്കുമെന്ന് എയര്‍പോര്‍ട്ട് ഡയരക്ടര്‍ ജെ.ടി രാധാകൃഷ്ണ അറിയിച്ചു. ഇന്ന് ഉച്ചക്ക് 2.30ന് 'മലബാറിന്റെ സാമ്പത്തിക വികസനത്തില്‍ വിമാനത്താവളത്തിന്റെ സ്വാധീനം' വിഷയത്തില്‍ സെമിനാര്‍ നടക്കും. കാലിക്കറ്റ് സര്‍വകലാശാല വൈസ് ചാന്‍സലര്‍ ഡോ. കെ. മുഹമ്മദ് ബഷീര്‍, സംസ്ഥാന ന്യൂനപക്ഷ ധനകാര്യ വികസന കോര്‍പറേഷന്‍ ചെയര്‍മാന്‍ പ്രൊഫ. എ.പി അബ്ദുല്‍ വഹാബ്, പ്രൊഫ. കെ.കെ മുഹമ്മദ് അബ്ദുല്‍ സത്താര്‍, മുന്‍ എയര്‍പോര്‍ട്ട് ഡയരക്ടര്‍മാരായ സി.കെ കുട്ടികൃഷ്ണന്‍, സി. വിജയകുമാര്‍ സംബന്ധിക്കും. വാര്‍ഷികാഘോഷത്തിന്റെ ഔപചാരിക ഉദ്ഘാടനം നാളെ ഉച്ചക്ക് 2.30ന് പി.കെ കുഞ്ഞാലിക്കുട്ടി എം.പി ഉദ്ഘാടനം ചെയ്യും. ടി.വി ഇബ്രാഹിം എം.എല്‍.എ അധ്യക്ഷനാകും. എം.പിമാരായ എം.കെ രാഘവന്‍, ഇ.ടി മുഹമ്മദ് ബഷീര്‍, പി.വി അബ്ദുല്‍ വഹാബ്, പി. അബ്ദുല്‍ ഹമീദ് എം.എല്‍.എ, സംബന്ധിക്കും