ചെന്നൈ: കാവേരി നദീജല തര്‍ക്കത്തത്തെ തുടര്‍ന്ന് ചെന്നൈ സൂപ്പര്‍ കിങ്‌സിന്റെ ഹോം മത്സരങ്ങള്‍ പൂനെയിലേക്ക് മാറ്റി. രാഷ്ട്രീയ സാമൂഹിക സംഘടനകളുടെ ബഹിഷ്‌കരണ ഭീഷണിയടക്കമുള്ളവ നിലനില്‍ക്കുന്നതിനാലാണ് തീരുമാനം. കഴിഞ്ഞ ദിവസം കനത്ത സുരക്ഷാ വലയം തീര്‍ത്ത് ചെപ്പോക്കില്‍ കൊല്‍ക്കത്തയ്‌ക്കെതിരായ ഹോം മത്സരം സൂപ്പര്‍ കിങ്‌സ് കളിച്ചിരുന്നു. നേരത്തെ ചെന്നൈയുടെ ഹോം ഗ്രൗണ്ട് മാറ്റുന്നത് സംബന്ധിച്ച് ചര്‍ച്ച നടന്നിരുന്നു. തിരുവനന്തപുരം ഗ്രീന്‍ ഫീല്‍ഡ് സ്റ്റേഡിയവും പരിഗണനയിലുണ്ടായിരുന്നു. എന്നാല്‍ അവസാന നിമിഷം തീരുമാനം മാറ്റുകയായിരുന്നു.
നിലവിലെ സാഹചര്യത്തില്‍ ശേഷിക്കുന്ന ആറ് മത്സരങ്ങള്‍ക്കും സുരക്ഷ ഒരുക്കുന്നത് പ്രായോഗികമല്ലെന്ന് പൊലിസ് വ്യക്തമാക്കിയതിനെ തുടര്‍ന്നാണ് മത്സരം പൂനെയിലേക്ക് മാറ്റുന്നത്.