മീനങ്ങാടി: വീട്ടില്‍ അനധികൃതമായി മദ്യം സൂക്ഷിച്ച യുവാവിനെ മീനങ്ങാടി പൊലിസ് പിടികൂടി. വാഴവറ്റ പാക്കം എരഞേരി വീട്ടില്‍ ബാബുവാണ് പിടിയിലായത്.  രഹസ്യ വിവരത്തെ തുടര്‍ന്ന് പൊലിസ് നടത്തിയ പരിശോധനയിലാണ് ബാബു പിടിയിലായത്.
ഇയാളുടെ വീട്ടിലെ വിറക് പുരയില്‍ നിന്നും പ്ലാസ്റ്റിക്ക് ചാക്കില്‍ പൊതിഞ്ഞ നിലയില്‍ 14 കുപ്പി മദ്യവും പൊലിസ് കണ്ടെടുത്തിട്ടുണ്ട്. മീനങ്ങാടി എസ്.ഐ രാധാകൃഷ്ണന്‍, എ.എസ്.ഐ ജോര്‍ജ്, ഹെഡ് കോണ്‍സ്റ്റബിള്‍ രവീന്ദ്രന്‍ തുടങ്ങിയവരുടെ നേതൃത്വത്തിലുള്ള പൊലിസ് സംഘമാണ് ഇയാളെ പിടികൂടിയത്.