കണ്ണൂര്‍: എല്‍.ഡി.എഫ് ജില്ലാകമ്മിറ്റിയുടെ ആഭിമുഖ്യത്തില്‍ മുഖ്യമന്ത്രി പിണറായി വിജയ         നും വ്യവസായ മന്ത്രി ഇ.പി ജയരാജന്‍, ആരോഗ്യമന്ത്രി കെ.കെ ശൈലജ, തുറമുഖ മന്ത്രി കടന്നപ്പള്ളി രാമചന്ദ്രന്‍, ഗതാഗതമന്ത്രി എ.കെ ശശീന്ദ്രന്‍ എന്നിവര്‍ക്കും എം.എല്‍.എമാരായ സി കൃഷ്ണന്‍, ടി.വി രാജേഷ്, ജയിംസ് മാത്യു, എ.എന്‍ ഷംസീര്‍, മാഹി എം.എല്‍.എ ഡോ. വി രാമചന്ദ്രന്‍ എന്നിവര്‍ക്കും സ്വീകരണം നല്‍കി. കലക്ടറേറ്റ് മൈതാനിയില്‍ നടന്ന പരിപാടിയില്‍ സി.പി.എം ജില്ലാ സെക്രട്ടറി പി ജയരാജന്‍ അധ്യക്ഷനായി.
മുഖ്യമന്ത്രിയെയും മന്ത്രിമാരെയും എല്‍.ഡി.എഫ് ജില്ലാ കണ്‍വീനര്‍ കെ.പി സഹദേവന്‍ ഷാളണിയിച്ചു.
എം.വി ഗോവിന്ദന്‍ സംസാരിച്ചു. സംസ്ഥാന മെഡിക്കല്‍ എന്‍ട്രന്‍സ് പരീക്ഷയില്‍ ഒന്നാംറാങ്ക് നേടിയ കോയ്യോട് സ്വദേശി മുഹമ്മദ് മുനവ്വിറിനെ മുഖ്യമന്ത്രി ആദരിച്ചു.