കണ്ണൂര്‍: മലിനീകരണ നിയന്ത്രണ ബോര്‍ഡിന്റെ ആഭിമുഖ്യത്തില്‍ ലോക പരിസ്ഥിതി ദിനാചരണവും മലിനീകരണ നിയന്ത്രണ പ്രവര്‍ത്തനങ്ങള്‍ക്കുളള അവാര്‍ഡ് വിതരണവും ഇന്ന് നടക്കും.  കണ്ണൂര്‍ മസ്‌കറ്റ് പാരഡൈസില്‍ രാവിലെ 10.30 ന് ആരോഗ്യമന്ത്രി കെ.കെ ശൈലജ ടീച്ചര്‍ ഉദ്ഘാടനം ചെയ്യും. തുറമുഖ മന്ത്രി രാമചന്ദ്രന്‍ കടന്നപ്പളളി അധ്യക്ഷനാകും. പി.കെ ശ്രീമതി എം.പി മുഖ്യപ്രഭാഷണം നടത്തും. ഡയറക്ടറി പ്രകാശനവും പരിസ്ഥിതിവാര്‍ത്ത പ്രകാശനവും മേയര്‍ ഇ.പി ലത നിര്‍വഹിക്കും.