തലശ്ശേരി: തലശ്ശേരി റെയില്‍വേ സ്റ്റേഷനിലേക്ക് ട്രാക്ക് വഴി നടന്നുവരികയായിരുന്ന അധ്യപികയെ പീഡിപ്പിക്കാന്‍ ശ്രമിച്ച കേസില്‍ ഡോക്ടര്‍മാരുള്‍പ്പെടെ നാലു സാക്ഷികളെ ഇന്നലെ വിസ്തരിച്ചു. തലശ്ശേരി ജനറലാശുപത്രിയിലെ ഡോക്ടര്‍മാരായ ഗിരിജാദേവി, ബിന്ദു എന്നിവരെയും പീഡനത്തിന് ഇരയായ പരാതിക്കാരിയുടെയും പ്രതിയുടെയും വസ്ത്രം കസ്റ്റഡിയിലെടുത്ത രണ്ട് മഹസര്‍ സാക്ഷികളെയുമാണ് വിസ്തരിച്ചത്. തമിഴ്‌നാട് സേലം വാളപ്പാടി മാരിയമ്മന്‍ കോവിലിന് സമീപത്തെ സെല്‍വരാജാ(34)ണ് കേസിലെ പ്രതി. തലശ്ശേരി അഡീഷണല്‍ ജില്ലാ സെഷന്‍സ് (ഒന്ന്) കോടതിയിലാണ് കേസിന്റെ വിചാരണ നടക്കുന്നത്. മൂന്നാം സാക്ഷി മുഹമ്മദ്, നാലാം സാക്ഷി കാര്‍ ഡ്രൈവര്‍ കനകരാജ് എന്നിവര്‍ പ്രതിയെ കോടതിയില്‍ തിരിച്ചറിഞ്ഞിരുന്നു.