തൃശൂര്‍: 58-ാമത് സംസ്ഥാന സ്‌കൂള്‍ കലോത്സവ, കായികോത്സവ മാധ്യമ അവാര്‍ഡുകള്‍ വിതരണം ചെയ്തു. യുവജനോത്സവത്തിലെ മികച്ച ഫോട്ടോഗ്രാഫര്‍ക്കുള്ള അവാര്‍ഡ് സുപ്രഭാതം എറണാകുളം യൂനിറ്റിലെ ഷമ്മി സരസിനും കായികോത്സവത്തിലെ മികച്ച റിപ്പോര്‍ട്ടര്‍ക്കുള്ള പുരസ്‌കാരം സുപ്രഭാതം എറണാകുളം ബ്യൂറോയിലെ യു.എച്ച് സിദ്ധീഖിനും വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് സമ്മാനിച്ചു.
കലോത്സവത്തിലെ മികച്ച റിപ്പോര്‍ട്ടര്‍: കെ.കെ ജയേഷ് (ജനയുഗം), വി.എം രാധാകൃഷ്ണന്‍ (ദേശാഭിമാനി). മികച്ച കാര്‍ട്ടൂണ്‍: കെ.എം ശിവ (മലയാള മനോരമ), മികച്ച റൗണ്ട് അപ്പ്: എം.വി ബാബു (മാതൃഭൂമി). പ്രത്യേക പരാമര്‍ശം: കെ. ശശി (ചന്ദ്രിക). ഇംഗ്ലീഷ് പത്രങ്ങളിലെ മികച്ച റിപ്പോര്‍ട്ടര്‍: സി.പി സജിത്ത് (ദി ന്യൂ ഇന്ത്യന്‍ എക്‌സ്പ്രസ്), രാമവര്‍മ്മന്‍ (ടൈംസ് ഓഫ് ഇന്ത്യ).
ദൃശ്യ മാധ്യമ വിഭാഗത്തില്‍ മികച്ച റിപ്പോര്‍ട്ടര്‍: കെ. ദീപക് (മീഡിയവണ്‍), പ്രത്യേക പരാമര്‍ശം: ദീപക് ധര്‍മ്മടം (അമൃത ടി.വി), മികച്ച കാമറാമാന്‍: പി. അനുപ് (ജയ്ഹിന്ദ്), മധുമേനോന്‍ (ഏഷ്യാനെറ്റ്) തുടങ്ങിയവരും അവാര്‍ഡുകള്‍ ഏറ്റുവാങ്ങി. ചടങ്ങില്‍ മന്ത്രി വി.എസ് സുനില്‍കുമാര്‍ അധ്യക്ഷത വഹിച്ചു.
കെ.വി അബ്ദുല്‍ഖാദര്‍ എം.എല്‍.എ, തിരുവമ്പാടി ദേവസ്വം പ്രസിഡന്റ് പ്രൊഫ. കെ. മാധവന്‍കുട്ടി, അഡിഷണല്‍ ഡി.പി.ഐ ജിമ്മി കെ .ജോസ് സംസാരിച്ചു.