തിരുവനന്തപുരം: സംസ്ഥാനത്തെ 471 പൊലിസ് സ്റ്റേഷനുകളിലും സി.സി.ടി.വി ക്യാമറ സ്ഥാപിക്കും. ലോക്കപ്പുള്ള എല്ലാ സ്റ്റേഷനുകളിലും ഇത് നിര്‍ബന്ധമാക്കും. വരാപ്പുഴ കസ്റ്റഡി മരണത്തിന്റെ പശ്ചാത്തലത്തിലാണ് ഉത്തരവ് .രണ്ടു ദിവസത്തിനുള്ളില്‍ ക്യാമറ സ്ഥാപിക്കാനാണ് ഡി.ജി.പിയുടെ ഉത്തരവ്.

ക്യാമറ സ്ഥാപിച്ചതിനുശേഷം പണത്തിനായി ബില്ലുകള്‍ സ്റ്റേഷന്‍ ഹൗസ് ഓഫിസര്‍മാര്‍ എസ്.പിക്ക് കൈമാറണമെന്നും ബെഹ്‌റ പറഞ്ഞു. സ്റ്റേഷനിലെ കമ്പ്യൂട്ടറുമായി സി.സി.ടി.വി ബന്ധിപ്പിക്കണം. എല്ലാ ആഴ്ച്ചയിലും ഹാര്‍ഡ് ഡിസ്‌കിലെ ദൃശ്യങ്ങള്‍ ഡി.വി.ഡിയിലേക്ക് മാറ്റണം. എന്നും ഉത്തരവിലുണ്ട്.