കങ്ങരപ്പടി: പരിസ്ഥിതി സംരക്ഷണം സ്വാര്‍ത്ഥതക്കെതിരെയുള്ള സമരമാണെന്നും വരും തലമുറക്കുള്ള കരുതലാണെന്നും കളമശേരി മര്‍ക്കസ് വാഫി കോളജ് പ്രിന്‍സിപ്പല്‍ ജഅ്ഫര്‍ ശരീഫ് വാഫി അഭിപ്രായപ്പെട്ടു.
എസ്.കെ.എസ്.എസ്.എഫ് പരിസ്ഥിതി ക്യാംപയിന്റെ ഭാഗമായി കങ്ങരപ്പടി ക്ലസ്റ്റര്‍ കമ്മിറ്റിയുടെ ആഭിമുഖ്യത്തില്‍ കളമശ്ശേരി വള്ളത്തോള്‍ ജങ്ഷനില്‍ വൃക്ഷത്തൈ നട്ടുകൊണ്ട് സംസാരിക്കുകയായിരുന്നു അദ്ദേഹം.
പരിസ്ഥിതി സംരക്ഷണം മുഴുവന്‍ മനുഷ്യരുടേയും ബാധ്യതയും കടമയുമാണെന്നും അദ്ദേഹം പറഞ്ഞു.
കളമശ്ശേരി ക്ലസ്റ്റര്‍ പ്രസിഡന്റ് നിയാസ് മുണ്ടംപാലം അധ്യക്ഷത വഹിച്ചു.