സൂറത്ത്: ശരീരത്തില്‍ 86 മുറിവുകളുമായി കൊലചെയ്യപ്പെട്ട നിലയില്‍ കണ്ടെത്തിയ പെണ്‍കുട്ടി ദിവസങ്ങളോളം പീഡിപ്പിക്കപ്പെട്ടിരുന്നതായി സൂചന. മൃതദേഹത്തില്‍ കണ്ട മുറിവുകളുടെ സ്വഭാവം വച്ച് പെണ്‍കുട്ടി ബലാത്സംഗത്തിന് ഇരയായിട്ടുണ്ടാകാമെന്ന് ഡോക്ടര്‍മാര്‍ പറയുന്നു. മുറിവുകളില്‍ ചിലതിന് ഒരാഴ്ചയോളം പഴക്കമുണ്ട്. അതേസമയം കുട്ടിയെ ഇതുവരെ തിരിച്ചറിഞ്ഞിട്ടില്ല. സമൂഹമാധ്യമങ്ങളുടെ സഹായത്തോടെ പൊലിസ് പെണ്‍കുട്ടിയെ കണ്ടുപിടിക്കാനുള്ള ശ്രമങ്ങളാരംഭിച്ചിട്ടുണ്ട്. പെണ്‍കുട്ടിയെക്കുറിച്ച് വിവരം നല്‍കുന്നവര്‍ക്ക് 20,000 രൂപ പാരിതോഷികവും പ്രഖ്യാപിച്ചിട്ടുണ്ട്. ഏപ്രില്‍ ആറിന് സൂറത്തിലെ ഭെസ്താനില്‍ ക്രിക്കറ്റ് ഗ്രൗണ്ടില്‍നിന്നാണ് 11കാരിയായ പെണ്‍കുട്ടിയുടെ മൃതദേഹം കണ്ടെത്തിയത്.