കോഴിക്കോട്: നഗരത്തിലെ പൈതൃക ഭൂമിയായ കുറ്റിച്ചിറയില്‍ തലമുറകളുടെ സംഗമവുമായി കുഞ്ഞിത്താന്‍ മാളിക തറവാട്. മൂന്നര നൂറ്റാണ്ടിലേറെ പഴക്കുമുള്ള തറവാടിന്റെ കുടുംബ സംഗമവുമായി ബന്ധപ്പെട്ടാണ് തലമുറ സംഗമം നടക്കുന്നത്.
കുടുംബ സംഗമത്തിന്റെ ഉദ്ഘാടനം തറവാട് മുറ്റത്ത് സംഘാടക സമിതി ചെയര്‍മാന്‍ കെ.എം മമ്മത് കോയ പതാക ഉയര്‍ത്തി നിര്‍വഹിച്ചു. വിളംബര ഘോഷയാത്ര കോര്‍പറേഷന്‍ കൗണ്‍സിലര്‍ സി.പി ശ്രീകല ഫ്‌ളാഗ് ഓഫ് ചെയ്തു. ആയിരത്തോളം പേര് അണിനിരന്ന ഘോഷയാത്ര തറവാട് മുറ്റത്ത് നിന്നും ആരംഭിച്ച് കുറ്റിച്ചിറ വലംവച്ച് കൊണ്ട് പുളിന്റെ ചുവട്, തങ്ങള്‍സ് റോഡ് വഴി തറവാട് മുറ്റത്ത് സമാപിച്ചു. യുവാക്കളുെട നേതൃത്വത്തില്‍ ബൈക്ക് റാലിയും നടന്നു. സംഘാടക സമിതി ചെയര്‍മാന്‍ കെ.എം മമ്മത് കോയയുടെ അധ്യക്ഷതയില്‍ ചേര്‍ന്ന ചടങ്ങില്‍ വാര്‍ഡ് കൗണ്‍സിലര്‍ സി.പി ശ്രീകല പരിപാടികള്‍ ഉദ്ഘാടനം ചെയ്തു.
ജനറല്‍ കണ്‍വീനര്‍ പി.കെ.എം അഹമദ് ശെരീഫ് സ്വാഗതം പറഞ്ഞു. പ്രോഗ്രാം കമ്മിറ്റി കണ്‍വീനര്‍ കെ.എം റാഷിദ് കുടുംബ മേളയോടനുബന്ധിച്ചുള്ള പരിപാടികള്‍ വിശദീകരിച്ചു.
തുടര്‍ന്ന് നടന്ന വിനോദാഘോഷ പരിപാടിയില്‍ സി.പി.എം സൗത്ത് മണ്ഡലം പ്രസിഡന്റ് സി.പി മുസാഫര്‍ അഹമദ് മുഖ്യാഥിതിയായി. എട്ട് മാസം നീണ്ടു നില്‍ക്കുന്ന പരിപാടി ഡിസംബറില്‍ സമാപിക്കും.