കരുനാഗപ്പള്ളി: കുലശേഖരപുരം കടത്തൂരില്‍ നിന്നും വിവിധ ഗള്‍ഫ് രാജ്യങ്ങളില്‍ ജോലി ചെയ്യുന്ന പ്രവാസികളുടെ വാട്ട്‌സ്ആപ്പ് കൂട്ടായ്മയായ ഹെല്‍പ്പ് ഫോര്‍ കടത്തൂരിന്റെ നേതൃത്വത്തില്‍ വിദ്യാഭ്യാസ അവാര്‍ഡും,സര്‍ട്ടിഫിക്കറ്റ് വിതരണവും, കരിയര്‍ ഗൈഡന്‍സ് പ്രോഗ്രാമും ഇന്ന് രാവിലെ 9ന് വവ്വാക്കാവ് കുലരേഖരപുരം സര്‍വ്വീസ് സഹകരണ ബാങ്ക് മിനി  ഓഡിറ്റോറിയത്തില്‍ നടക്കും. ആര്‍.രാമചന്ദ്രന്‍ എം.എല്‍.എ ഉദ്ഘാടനം ചെയ്യും. പ്രോഗ്രാം കമ്മിറ്റി ചെയര്‍മാന്‍ എ. മുഹമ്മദ് മുസ്തഫ അധ്യക്ഷനാകും. ഗ്രാമപഞ്ചായത്ത് പ്രസിഡന്റ് ശ്രീലേഖ കൃഷ്ണ കുമാര്‍,  ജി.കെ.എസ്.എഫ് എം.ഡി അനില്‍ മുഹമ്മദ്, ഗ്രാമ പഞ്ചായത്ത് വൈസ് പ്രസിഡന്റ് സുജിതാ നാസര്‍, റ്റി.കെ ശ്രീദേവി ചെറുതിട്ട തുടങ്ങിയ എന്നിവര്‍ പങ്കെടുക്കും.