പാലക്കാട് : ജില്ലയിലെ ലൈഫ് മിഷന്‍ പ്രവര്‍ത്തന പുരോഗതി വിലയിരുത്തുന്നതിനുളള അവലോകന യോഗം ഏപ്രില്‍ 19 രാവിലെ 10 ന് ജില്ലാ പഞ്ചായത്ത് സമ്മേളന ഹാളില്‍ ചേരും. സ്പില്‍ ഓവര്‍ ഭവനങ്ങളുടെ പൂര്‍ത്തീകരണ പുരോഗതി അവലോകനവും ഭൂമിയുളള ഭവനരഹിതര്‍ക്ക് ഭവന നിര്‍മാണ ധനസഹായം നല്‍കലും സംബന്ധിച്ച് ചര്‍ച്ച നടക്കും.
തദ്ദേശ സ്വയംഭരണ സ്ഥാപനങ്ങള്‍ അംഗീകരിച്ച ഭൂമിയുളള ഭവനരഹിതരുടെ അന്തിമ ഗുണഭോക്തൃ പട്ടികയിലുള്‍പ്പെട്ടവര്‍ക്കാണ് രണ്ടാം ഘട്ടത്തില്‍ ധനസഹായം നല്‍കുക. റേഷന്‍ കാര്‍ഡില്ലാത്തതിനാല്‍ ഗുണഭോക്തൃ പട്ടികയിലുള്‍പ്പെടാത്തവരെ പട്ടികയിലുള്‍പ്പെടുത്താനും തീരുമാനമായി. സംസ്ഥാന ലൈഫ് മിഷന്‍ ചീഫ് എക്‌സിക്യുട്ടീവ് ഓഫീസര്‍ ഡോ.അദീല അബ്ദുളള, പ്രോഗ്രാം മാനെജര്‍മാര്‍ യോഗത്തില്‍ പങ്കെടുക്കും.